Mensahe ni Mayor Val Chiong

The following is the Pastores de Naga Christmas Message to be delivered by Naga City Mayor Valdemar Chiong for the Festival’s culmination today afternoon. The speech is in Cebuano:

Mga Naganhon, atong mga dinapit, mga kaigsuonan …

Nagsud-ong ko nga malipayon sa atong mga igsuon nga nagparada karong hapon. Di man lang gud dugay nga niingon si Gob. Gwen Garcia nga himuon nato nga festival kining Pastores nga among gitan-aw sa Suroy-Suroy sa Sugbo sa miaging Septembre.

Tinuod apiki na gyud sa panahon. Apan ang mga Naganhon wa magpalupig sa kamubo sa tulo ka bulan ug sa kadaghan sa angayang andamon.

Dakong garbo ko nga namulong karon atol sa unang Pastores de Naga Christmas Festival.

‘Pride in our roots; realizing our vision.”

Mao kini ang tema sa atong festival nga nagsumada sa matawag nato nga social impact sa mabulokong kalihokan.

Kay kinsa may Naganhon ang di mapasigarbuhon nga atong siyudad mao diay tinubdan sa mga Pastores festival sa ubang mga dapit sa Luzon?

Kay kinsa may Naganhon ang di mapasigarbuhon nga kining atong kalihokan karon kabilin pa man sa mga Spanish missionaries nga niabot dinhi sa Naga pipila na ka siglo ang milabay.

Ang Los Pastores mao ang pasundayag nga sayaw-duwa-kanta-balak nga naghulagway sa pagpangita sa mga Pastores kun shepherds kang Baby Jesus nga bag-ong natawo diha sa Pasungan didto sa Bethlehem.

Gitudlo kini sa mga Spanish missionaries aron mapakuyanap ang mensahe sa pag-abot sa atong Manunubos.

Mapasalamaton kaayo kita sa mga Requinto kay tungod sa ilang tulumanon nga nagpasa sa tradisyong Pastores gikan sa usa ka henerasyon ngadto sa sunod, atong makita karon ang mga orihinal nga dance steps ug ang musika sa Pastores kaniadtoi.

Kining maong festival nagsubay sab sa atong Vision and Leadership 2020 kun VAL 2020.

Tuyo nato ang pagmugna og mabulokong festival nga makapahiusa sa mga Naganhon labin na sa panahon sa Pasko.

Tuyo sab nato ang pagmugna og mas magkanindot nga festival matag Pasko nga maoy ulion unya sa atong kaparentehan nga tua na karon sa gawas sa Pilipinas.

Kay kon kining atong Pastores de Naga Christmas festival makadani og mga Naganhon nga karon tua na nagpuyo sa gawas, makadani sab kini og mga turista nga gikan sa gawas ug ubang dapit sa Pilipinas.

Ako nang makita nga sa sunod katuigan ang tanang dalan sa kalibotan mopadulong sa Naga matag saulog nato sa Pasko.

Kaanindot paminawon nga ugma damlag, ang atong madungog sa tibuok kalibotan mao ang panawagan nga “Mamasko ta sa Naga, bay!”

Ug unsa may epekto niining turismo sa atong bag-ong Siyudad sa Naga? Dugang economic activity.

Gani, subay sa VAL 2020, di lang dolyar gikan sa turismo ang tuyo natong danihon dinhi sa Naga. Gusto sab kitang makita ang pagsunod sa mga investments anha sa mga industrial centers nga nanurok dinhi sa atua.

Naa ang proyekto ni Gob. Gwen Garcia diha sa Tinaan. Naa sab ang proyekto sa Plantersbank ug sa MRC diha sa Cantao-an.

Gusto ko nga makita unya nato ang pag-invest sa mga Naganhon dinhi mismo sa mga economic zones nato sa Naga.

Gusto ko nga makakita unya sa atong mga paryente nga nahimo nang eksperto sa lain-laing industriya didto sa gawas nga anhi mopuyo na atua aron magnegusyo o motudlo ba sa umaabot natong city college.

Idungan kini sa umaabot nato nga pantalan, sa bag-ong merkado, ug uban pang mga proyekto subay sa atong VAL 2020.

Kining VAL 2020 maoy damgo nga inyong gisuportahan sa niaging piliay sa Mayo ug sa barangay.

Niining kalihokan karong Pasko, atong gipakita nga di lang diay kini akong damgo.

Damgo kini natong tanan nga ato nang gianam-anam sa pagmugna aron matinuod.

Daghang Salamat! Merry Christmas!

Leave a comment

Filed under Statements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s